Termo utilizado en moitos sistemas de clasificación para designar os solos con arxilas sódicas, con un horizonte subsuperficial enriquecido en arxila e moi compacto, un endopedión nátrico no que a porcentaxe de sodio intercambiable (PSI) é do 15 % ou máis. Os valores de pH son moi elevados e se o solo contén carbonato sódico, (Na₂CO₃), o pH pode acadar valores de 10-12. Estas características fan que sexan solos moi desfavorables para a produción de cultivos, pola mala estrutura, baixa condutividade hidráulica, toxicidade do sodio e por desequilibrios na absorción de nutrientes.