Segundo a clasificación de Raunkiaer, forma vexetal anual, capaz de completar todo o ciclo biolóxico durante a estación favorable e sobrevivir durante as épocas desfavorables como sementes.

Colonizan desertos e rexións áridas. Posúen a capacidade para colonizar medios novos, inestables e efémeros, tales como bordos de camiños, campos de cultivo (trigo, cebada, centeo, arroz, millo, entre outros) ou ribeiras de cursos de auga (ríos e lagoas) durante a época de estiaxe.

Un caso extremo é o das efemerófitas, como por exemplo algunhas plantas do deserto que resisten durante moitos anos sen chuvia e que, de pronto, á chegada das raras chuvias, desenvolven todo o seu ciclo no curto período favorable que segue á chuvia.