Fórmula matemática que permite converter a ecuación de difusividade desde a súa forma orixinal como ecuación en derivadas parciais con dúas variables independentes: δθ/δt = δ/δs[D(θ)δθ/δs) á forma dunha ecuación diferencial ordinaria. Para isto, introdúcese a variable composta B(θ)= st -1/2, onde θ é a fracción de volume de auga, s a coordenada espacial na dirección de fluxo, t o tempo, que substituída na ecuación de difusividade permite obter -B/2 dθ/dB = [D(θ) dθ/dB], que é unha ecuación diferencial ordinaria con B como variable independente e θ, a única variable dependente; e condicións de contorno θ = θi para B→ω; e θ = θ0 para B = 0.
Esta ecuación pódese resolver analiticamente se se asume que D é constante. Esta transformación foi utilizada para obter solucións para problemas de fluxo de auga no solo no suposto dun medio horizontal, homoxéneo, semiinfinito, cun contido de humidade inicial uniforme; así como para resolver a ecuación do fluxo para unha infiltración horizontal.