Relación entre a viscosidade dinámica dun fluído, η, e a súa densidade, ρ. Represéntase por η_k (ou ν) e defínese como η_k = η/ρ, eliminando así as unidades de forza e as de masa. Depende da temperatura. Permite comparar o grao de viscosidade de diversos fluídos, con independencia da influencia que exerza a gravidade, a través da masa dun volume de fluído, sobre a intensidade do cizallamento. A súa ecuación de dimensións é [L²T^-1] e no SI mídese en m² s^-1.