Organismo que mostra afinidade por vivir no solo durante todo ou algunha fase do seu ciclo vital, é dicir, mostran xeofilia. Clasifícanse en catro tipos: 1) xeófilos temporalmente inactivos que viven no solo só durante certas fases do seu ciclo vital (p. ex. moitas larvas de coleópteros e himenópteros que pasan o inverno no solo en estado de pupa); 2) xeófilos temporalmente activos, que viven no solo durante gran parte da súa vida, é dicir, durante unha ou máis etapas de desenvolvemento e emerxen do solo como adultos (p. ex. larvas de dípteros que eclosionaron a partir de ovos depositados no solo); 3) xeófilos periódicos que pasan unha parte do seu ciclo de vida no solo, xeralmente como larvas, pero ao longo da súa vida volven ocasionalmente ao solo para alimentarse, poñer ovos ou buscar refuxio (p. ex., varias familias de coleópteros pasan o seu estado larval na follada ou nas capas superiores do solo mineral e cando son adultos utilizan o solo como fonte de alimento); 4) xeobiontes que inclúen a organismos totalmente adaptados á vida no solo e non poden vivir fóra deste ambiente (p. ex., miñocas, ácaros e colémbolos).